التحضيرات على قدم وساق لبرنامج طشة ونتشة في عبلين 

"صباح الخير للجميع.. 
لقاء امبارح كان بنادي المحبة اللي منشكره كمان مرة على استضافتهن وكرمهن.. اللقاء كان مهم لإستمرارية التعاون بيننا كجمعيات وأطر.. شارك باللقاء الخورية آمال عن النادي النسائي الارثوذكسي، فاتن من معرض الكتب قهوة وشاي، عيسى عن الجبهة، ياسر عن فسيلة حياة، فادي وسعيد عن مدرسة الأحد، استاذ سهيل ودكتور سليم عن نادي المحبة، بديعة، شادن، أمل وألبير عن الكشاف الأرثوذكسي، عفيفة وأسامة عن عبلين في القلب.. باقي الجمعيات تواصلوا معنا تلفونيا واعتذروا عن الحضور والتنسيق معهن كان بالتلفون. 
واحدة من النقاط المميزة بهذا اللقاء هو مشاركة شباب وصبايا صغار بهذا اللقاء التحضيري وهيك المؤسسات عم  تبني جيل جديد مبادر وقائد 👏
اللقاء كان لقاء تعارف من جديد، لقاء اجتماعي جمع بين الذكريات وبين أفكار للمستقبل وتوطيد هالعلاقة الحلوة والتعاون والتشبيك بين الجمعيات والأطر المختلفة. 
خلال اللقاء تم تنسيق الفعاليات بشكل نهائي: 
* الفعاليات راح تكون 17:00- 21:00.. بس احنا مهم نكون قبل ساعة / ساعتين للتحضير .. 
* مهم جدا متل ما استلمنا المكان نرجع نسلمه، نظيف ومرتب ونتعاون انه كمان الشارع والمنطقة تكون نظيفة بنهاية البرنامج. 
* الشارع ما راح يتسكر لهيك مهم ننتبه لاي سيارة راح تفوت عالشارع وننبه الموجودين.
* لكل واحد منا دور بنشر برنامج المشروع بشبكات التواصل المختلفة عشان الناس تعرف عنه وييجوا ويشاركوا. 
*كتير مهم ننبسط بالمشروع كجمعيات .. المتعة واحدة من قيّم نجاح أي مشروع 😊
بالنجاح إلنا كلنا ❤️

(من تلخيصات الاجتماع الاخير بالحبر الجديد - عفيفة حاج ابو غنيمة من مجموعة عبلين بالقلب)