اجتماعيات
28/12/2012 - 09:25:23 pm
اصدار اغنية جديدة للفنان موسى نجمي بسبب الاحوال الاقتصادية الصعبة
مريم خطيب
اصدر الفنان موسى نجمي اغنية جديدة بسبب الاحوال الاقتصادية الصعبة بعنوان "ضد الغلاء "
كلمات الأغنية:
قرب وجرب قرب وجب
يالله يابا يالله
كيلو البندورة 9 شيكيل
كيلو الخيار 4 شيكيل
كيلو البطاطا 3 شيكيل
كيلو الكوسا 10 شيكيل
والأسعار مولعة
نفضنا يابا
خرب بيتي
.
.
كلنا منركض ورا المصاري
والمصاري بتركض منا
في ناس راكبي فيراري
وناس السوبارو عم بتتمنى
بدي جمل تولع ناري
لأنه الوضع مأزم عنا
الحياة مثل الفيراري
يا بتركبها يا بتتمنى
.
.
بالمصاري نأخذ قراري
ومجتمعنا عم بيتدنى
الحكومة بترحمش بتنهش بالشعب نهش
الحكومة بدا قرش عملت على الشعب قرش
ارحمونا ولكو مفيش
لا بنهش ولا بنش
والحكومة دايماً فش
اخرس حسك ترفعش
تكتبش تهتفش
تمنعش تصيحش
بدنك فش
مصاري مفيش
غلاء بمص معاش بخس
والحكومة ما بتحس
والمواطن انفطس
.
.
قرب وجرب قرب وجب
يالله يابا يالله
.
.
كلنا منركض ورا المصاري
والمصاري بتركض منا
في ناس راكبي فيراري
وناس السوبارو عم بتتمنى
بدي جمل تولع ناري
لأنه الوضع مأزم عنا
الحياة مثل الفيراري
يا بتركبها يا بتتمنى
.
.
الخبز سعره زاد
كل اشي صار سعره غالي
وعالبنزين عملنا حداد
والأسعار بالعلالي
والمعاش عم بلالي
وانا لالي لالي لالي
بدي مال اربي عيالي
ومالي بإيد السعر الغالي
وكل مالا بتتدهور حالي
والوضع صار عنا زبالة
حتى الزبالة عليها ضريبة
واذا زادت بتصير مصيبة
بقدم للغلاء استقالة
وبدي احكيلو بصوتي العالي
.
.
عزيزي الغلاء بعرض امك بكفي تطلع
انزل تريح شوي وخلي المعاش يطلع محلك
اضف تعقيب