الفنان السوري ، عماد جَمُّول ينجز أغنية :

" يا سويدا " كلمات الشاعر كمال ابراهيم

أنجز الموسيقي السوري ، عماد جمُّول ، ابن " صَلخد " في جبل العرب تلحين وغناء أغنية " يا سويدا " كلمات الشاعر كمال ابراهيم التي تتحدث عن واقع السويداء ومعاناة أهلها في الظروف الراهنة .

اقرَأوا ، شاهدوا واستمعوا للأغنية المسجلة عبر الفيديو التالي :

"يا سويدا يا حزينِة

شو جَرى خبِّرِيني"

يا سويدا الله يْعينِكْ

الفَقر مْبَيِّنْ عَجْبِينِكْ

"يا سويدا يا حَزينة

شو جرى خَبّرِيني"

عيشِتْنَا صَارَتْ مُرَّة

ما فِي عِمْلِة بالمَرَّة

والدولارْ طَايِرْ طَايِرْ

المونِة خِلصِتْ بالجَرَّة

"يا سْوِيدَا يا حَزينِة

شو جَرَى خبِّريني"

وْلادِكْ عالغُرْبِة راحُوا

أهْلُنْ عَفْراقُنْ نَاحُوا

بَسْ البارِي مَعَانا

مْأكَدْ مَا راحْ يِنْسانَا

"يا سويدا يا حَزينِة

شو جَرَى خَبِّرِينِي"

مَهْمَا كنَّا مَحْرُومِينْ

مَهمَا صِرنا جوعانين

مَهْمَا كنَّا مَجْرُوحِين

مَهْمَا كنَّا مَحْرُومِينْ

مَهْمَا صِرْنَا جُوعَانِينْ

مْنِبْقَى نِحنا المِنْتِصْرِينْ

احنا النَّصْر واحْنَا السِّيفْ

عادِتْنَا إكْرامِ الضِّيفْ

عادتنا اكرَام الضِّيفْ

"يا سوِيدَا يَا حَزِينِة

شو جَرَى خَبِّرِينِي".

12.7.2019

https://www.youtube.com/watch?v=8xMKoPwGCWg