تواصل معنا عبر الفيسبوك | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
|
زجل للزيتون على دلعونا بقلم: اسماء طنوس المكر
على دلـعــونا عــلى دلـعــونــا
زيتون بلادي أطيَـب مايكـونــا
_________________
كرم الزيتونِ يا حُـــبّي الغـالـي
ما أحلى لونَك أخضــر بيلالـي
ولَمّـا بَــشــوفَــك بيـجي عَبـالي
مَنقوشِه بزعتر أشـهى مايكـونا
_________________
حَب الزّيتــونِ يا حَــب اللّـولـو
من لونُه الحــلو كُلـهُم غَنّـولـوا
ريتَك يا كرمي سنينَك يْطـولوا
شو حلوِه القعدِه تحت الزيتونـا
_________________
زيتَك شو طيِّب بيغذّي جسـمي
ومن زيتَك رايح يِتقوّى عظمي
زيتَك مع لَبَنِه يا أطيَب طَــعمِه
مع خُبز محَمَّص على الكانونـا
_________________
مع الِمجـــدَّرَه وحَـب الزّيتــونِ
وأكلِة الِمحَمَّر أطيـب ما يكــونِ
والكعك الأصفر حِلِو يا عيوني
وحُمُّص وفولِ بزيتِ الزّيتونـا