زجل       اللّه نَزَّل رحمِتُه         بقلم:اسماء طنوس المكر

 
   لمّا النّبي إيلِيّا صَلّـى تيـنزِل مَـطَـــر
                         رب السما استجاب من صِدقِ صَلواتُه
  مِن هون إفهموا العِبرَه ياجِنسَ البشـر 
                          إنُّه اللّي بُطلُب بإيمان بينال طلبـــاتُـه
   اللّه ما بَدّو قــلوب قاســيَه كالــحـجــر
                         كُل مين طلــب مِنّو لَبّـالُـه حاجــاتُـــه
   واللّي ما عندُه صِلَه بالرّب حياتُه قَفر
                          راح بيكون خسران أغنَى عَطِيّـاتُــه
   واللّي بيرجع إلو ندمان لِذنوبُـه غَفَــر
                          بالتّوبِـه والصّلاه مع صِــدقِ نِيّــاتُـه
   اللّه بيشَــتّي عالمُــؤمــن واللّـي كَـفَــر
                         والشّمس علينا بتِضوي من سماواتُـه
   عَلّمَ النّـاس دربُـــه وراحــوا للخطــر
                         لِنُصحُه ما سِمعوا ولا قِبلوا طُرُقاتُـه
    اللّـه الرّحيــم برحمتُــه عــاوَد جَــبَر
                         عَطَف علينا الخــالِق مِن طولِ آناتُـه
    شوفوا الإله ورحمتـُــه قَدّيــه صَــبَر
                         أعطى غِناهُ منِ السّما تَأكيد لِقُدراتـُه