X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
أدب وشعر
اضف تعقيب
25/04/2018 - 10:17:22 am
آه يا زمن زهير دعيم

      آه يا زمن

       زهير دعيم

آه منك يا زمن 
عَضّيتنا بنابَكْ 
وقفّلت في وجوهنا بوابك
ورميتنا خلف الجبالْ 
بلا هوّية ، بلا موّالْ
 عَ دروب لا هي دروبْ 
والسّما معكّرة 
والقمر معصوبْ 
ونجوم عم تبكي 
عَ شي حلم بيذوبْ 

لا تتعب يا قمر 
بتنادي ما في حدا
صار الاخو بهالايام 
لخيّو عِدا
وتفرّقت القلوب 
والمصلحة دين صرنا بنعبدو 
بنحرق ارواحنا بخور 
جوّا معبدو


آه منك يا زمن 
وين أيام الهنا 
وين طلاتو ؟
وين الطّابون الحلو 
وين خبزاتو ؟
والابريق على الاسكملة 
تغنّي ميّاتو !!

ما أحلى القعدة سوا
 بليلة ربيعية 
والربّ حامي الحِمى 
ليْليّة ، ليلية 
بيسهر علينا من فوق
بنظرة حميميّة 

يلّلا  نرنّم  ونحبّ
صبحيّة وعصرية 
تتعود البلد من جديد
 بالإيمان  مضوية







Copyright © elgzal.com 2011-2024 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت