X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
أدب وشعر
اضف تعقيب
01/05/2018 - 02:40:03 am
زجل نيسان لَوْحَه فَنِّيِّه بقلم :اسماء طنوس المكر

زجل       نيسان لَوْحَه فَنِّيِّه     بقلم :اسماء طنوس المكر


نيسان يا محَلّي الدّني من حُسنَك الفَتّان
                        وِمْشَكّـــلِه الْوانَك لَوْحَــات سمــاوِيِّـه
نور الصّباح ال فيك بيسبِّــحِ الرحمـان
                      جبال الدّني وِسهولها وِصْخور وَعرِيِّه
بَسمِة صباح بِتْطُلّ من وردَك العشقـان
                     وِخْــدود بتُــــدفُـــق دم ألوانــا خمرِيِّـــه
خَلّيت كُل الدِّني سطيحاتا من مُرجــان
                      مْلَبَّسِه تاجات مرفوعه وِعْقود وردِيِّـــه
روحَك الحُلوَه طَرَب وخَمرِتَك ألحــان
                      بِتْذوب فيك الرّوح بنَسمـات عصرِيِّـــه
فيك الهوى بيحَرِّكِ القلــب والوِجــدان
                      يا الجايي وحامل معاك للدّنيي هديِّــــه
ناطر أنا شهور السِّنِه لِطَلِّتَك سهـران
                     تَنّــي أغنّــيلَك زجــل وأبيـات شِـعرِيِّــه
والقلب يغزِل عِشِق من حُبِّـكَ الرَيّـــان
                     وزهور تِتْبادَل قُبَل بنظـرات سِحرِيِّــــه
يا ريــت كُل السّنِه شهــورها نيســان
                      تَتْظَـــل كُـــل الِقْلــوب تِغـزِلُّـه غِنّــِيِّــه
ويْدوم فينا الأمل الأخضــرِ الألــوان
                      نقَضّي العُمُر أفراح وِلْيـالـــي وردِيِّــه
وما نلقـــى فِيّـــو يـوم من الأحــزان
                     وتِعْمَر لِنا الِبْيوت بالبهجِـه والأفـــراح
      وتيجينا يا نيسان مِثْل العيد عيدِيِّه







Copyright © elgzal.com 2011-2018 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت