تواصل معنا عبر الفيسبوك | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
|
زجل لرمضان الإيمان بالأعمال بقلم: اسماء طنوس المكر
ما احلى اللّمِّه برمضان__ بِتْحِس بطَعمِةِ العيد
ولمّا بترجـع للرّحمـان__ بِيقبلَّك صَوْمَك أكيد
__________________________
إوْعَ تنسى المساكيـن __ أعطيهُم من خَيْراتَك
وِتحَنّن عَالمحرومين __ طَعميهم من طبخاتَك
وساعد اللي معتازين __فَـرِّج عنهـم وِحْياتَـك
عَزِّ كُلَّ المحزونيـن __ عُمرَك بِيِطْوَل وِيْزيد
_________________________
صالِح ياللّي عاديتُه __ بالتّسامُـح في غُفـران
قَرَّبْ مِنِ ال جافيتُه __ وما حَكيتُه من زمـان
رُحْ وزورُه في بيته__ هُوِّ أخـوك يـا إنســان
إوْعَ تقول ما حبّيتُه __ بَعِدني علَيْهِ غضبـان
_________________________
أعمالَك هي بالأوّل __ إيمانَك هو بالأعـمال
وتَنّو صومَك يِتكَمَّل__تْصَدَّق عَغيرَك بالمال
أيّامَك راح تِتجمَّـل __لمّا تْعين ال حالُه مال
غُفرانَك لا تِتأمَّـل __ لَوْ ما حرَّرْت اليأسان