موشحات            عَرايِس بتاجات      بقلم : أسماء طنوس  -  المكر

يا جَمــــــالَ الثَّـوْبِ  فيـهِ  تَسَرْبَـــــلا --- أَلوانـــُه عَـم تُنْطُـــــــق  وبِتْنَقِّــــــط حَلَــــى

ألوان فيها الرّوح  وِبتِحكـي حَكـي --- وِالطَّلِّـــــه مِن الِعْيـــــــون بِتْقولنـــــا هَـلا

وأَزهار عَم بِتْطُلّ مرفوعَه عَالتّـلات--- بتشوفها منِ بْعيد عرايـس بتاجـات

   ما احلى الدِّني بربيعها وِبْلـون هَالوَردات

               _____________________________

والهمسِـه مِنْـكَ  يا ربيــــــع بتِسْكِـرِ --- والروح عِشْقَت روحَك الل فيها صَلى

رِجْعَـتْ بِكَ الحيـاة لِعُمْـرِ الصِّبـا  --- وكُل شيء صار جديد  وزادَ بِالغَــــلا

خَلّيك باقي هون لا تْغيب إِوْعَ تْروح--- صِرْتَ لِيَ المحبوب وتَوْأَمًـا  للروح

    وصِرْت نَهاري وشَمسي وِالْمِداوي جروح

             ______________________________

عِشِقْت ﭐنا الحياة  لَمّـا صِـرِت فيها --- مِن دونَكِ الدُّنيـا بتِبقـى  في البَلـى

عِشِقْت الغِنا والشِّعْـر وطبيعَه وسَما--- ونَوّار عالأشجـارِ بيِضــحَـك للمَــــلا

عِشِقْتِ الصُّخورِ بظِّلهاأزهار مَحْمِيِّه---الل طالعَه في البَّر وأراضي وَعْرِيِّه

    بِروحْهـا السّـلام  وبِتْعيـش بِحُـرِيِّـه

           ________________________________