زجليه    شفاء إنسانه بقدرة يسوع لما طلبتُ منهُ     بقلم اسماء طنوس المكر

يا يسـوع اللّي مَـعــنا  _______ انـتَ يالـلّي بتفهـمـنا

يا طبيبَ المَوجوعين  _______ لمّا نصَلّـي بتِسمعــنا

_______________________________

يا باعِـث فينـا الروح  _______يا مداوي كُلَّ مَجروح

يا مْجدِّد فيــنا الحـياه  _______لَولاكَ وين بِدنا نروح

_______________________________

يا ساكن جُــوّا قلبـي  _______ يا حامـل عَنّي غُلــبي

لَمّا بَتعب يا يســوع  _______ بَلــقـاكَ قـاعــد جـنـبي

_______________________________

إنتَ ربّي والصَّديق  _______ يا مْهَوِّن علَيِّ الضّيـق

عيونَك دَومـاً عَلَـيَّ  _______ وإنتَ بِدَربي الرّفــيـق

_______________________________

إنتَ ربِّيَ القُـدّوس  _______ يا مداوي كُلَّ النُّفــوس

إنتَ النّورُ والحياه  _______ ومِنكَ الرّاحه للمَتعوس

_______________________________

يا سامِعلي آهـاتي  _______ لاقيـت عِنـدَك نـــجـاتي

لَمّا سَـلَّمتَـك هَـمّي _______ احــلَـوَّت لِـــيَّ حـيـاتـي

_______________________________

ومريم شفيعَة يسوع_______  ياللَي بتمسـح الدُّمــوع

إن طَلبَت مِنّو الشفاء_______ طَلَبــها ما إلـو رْجـوع

_______________________________

وروحُ اللهِ اللّي بيِحْيي______ وبيـقيـم المـائـِت حَــيّـا

لا شيءَ بيِصعَب عليه______ فِيّو اليابـس راح يِحْـيا