زجل  شَتوِة نيسان   بقلم :اسماء طنوس المكر

عِنّا الشِّتي البَدري بيجينا في تشرين

                    وعِنّا اللّي مِتأخِّر بيجي في نيسـانِ

سُبحانُه ربّي الخالق للشِّتي كْوانيــن

                    زَوَّدعليها بشهرنيسان كانـون ثاني

بشتوِة نيسان ال أحيَت سِكِّه وِفْدادين

                    أحيت وَجْهَ الخليقــه وكُــل إنســـانِ

نيسان يا وجهَ الخير غِلِّتَك ضِعفيـن

                    وَجه الطّبيعَه الحِلِو للنّـــاس بُرهـانِ

فيـك الحَلــى زَهَّــر بِنـظــرِة عيــن

                   وفيك الطّيورمنِ الفرَح بِتْغنّي عَافْنانِ

جايِب عُطورَك من حلى بْساتيــــن

                   جايِب معك أفراح ورَقْص  وِاغناني

وِبْساطَك مزَركَش وِمْعَربَش بتِلوين

                 وِفْراش ال قَبَّل وُرودَك راح بِاحضانِ

جَنِّة سما عالأرض مْكَوَّنِـه تِكويــن

                 ساعِــة هَنـــا فيها بِتـــروح سكـــرانِ

شوفوا الإله ورحمِتُه كُلّاعطاء ولين

                 أُشكُر إلهَك يا أخي وسَبِّحْهُ على طول

     ربّ الإله الحَيّ بيِروي نفوس عطشانِه