قصيدة              بابا يا حبيبي       بقلم اسماء طنوس المكر 

بابا يا حبيبي

يا حُبّي أنا        

لمّا بتبـقى جنـبي

بَحِـسّ بهَـنا

كِلماتَك رقيقه

 باخُذها نصيحه

وهالبسمِه البريئه

 بِتريِّحني أنا

_________ 

ولمّا بتحكي كِلمِه

الكلمِه مسموعه

لمّا بِتقولهالي

عَالرّاسِ مرفوعه

كِلماتَك غَنِيِّه

ومن أجملِ هديِّه

بَهديك التحيِّه

عَطولِ السنه

_________

لَوْ مَرَّه زَعَّلتَك

بَيّي سامحني

وأنا بَعرف قلبَك

ما بيِزعل مِنّي

قلبَك المحبِّه

تِبقى لي يا حُبّي

وبَصَلّي لَربّي

تَيْخَلّيك لِنا