X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
أدب وشعر
اضف تعقيب
18/06/2021 - 10:22:31 am
زجل    المسيحُ صخرتي نوري وحصني    بقلم:اسماء طنوس المكر 

زجل    المسيحُ صخرتي نوري وحصني     بقلم:اسماء طنوس المكر 

لَمّا بتبقى معايا _______وماسِــك دايمـاً بِإيــدي

بترتّبلي مَسعايا _______وبلاقي حالي سـعيــدِه

____________________________

بإسمك دايماً بَتغَنّى______ يا واهـبـلي أشـعـاري

ولَمّا بإسمك بتمنّى______بلاقي تسَـهَّل مشـواري

بذكُر إسمَك بَتهنّى______ كُـل مـا أبـدأ نــهــاري

بيكون نهاري جَنَّه______ بـالأثــمــارِ اللّـــذيــذِه

_____________________________

عيونَك دوم بترعاني_____ بتحفظني مِنِ الشُّــرور

بروحَك لَمّا بتِمـلاني_____ بلاقي الفَرح والسُّــرور

وجودَك بيملا كِياني_____ انتَ الحكمِه وانت النّور

ويـنبـوعَــك الرَّيّـانِ _____بيِروي عـطشي الشّـديـدِ

______________________________ 

اللّي ما بيِعرف يسوع_____  ما شاف بعُمرُه النعمِه

هُــوِّ الدوا للمَــوجـوع_____ هُوِّ في الحزنِ البسـمِـه

حنّان بيـِمسـح دمـوع_____ بيِرسم الفرحـه رسـمِــه

المجـدُ إلو والخُـشـوع_____ لَاجـلُـه بَكتـب قــصـيـدِه




Copyright © elgzal.com 2011-2024 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت