موشحات الكورونا بعدا بتجول بقلم :اسماء طنوس المكر

الكورونا ثالث مرّه

جَـت تِتـحــدّى

ريتا ترحل بالمَـرَّه

ما تصيب حَدا

**

كورونا يا ملـعـونِـه

روحي لِبعيد

انتِ وَحدِه مجنــونِه

بينّا ما نريد

انتِ فيروس بتكوني

وَبَـأ مُـبـيـد

وجهِك إوعي تفرجينا

لا نِتأذّى

**

يا نَحِس روح اختفِ

جايِه البسمات

جايِ الصُّبُح الِمنوَّر

بعد العتمات

والأطفالِ راح تِكبر

ما في وَيلات

وِالأبـوابِ تِتـفـتَّــح

ننسى الأذى