زجل   وين الرحمه   بقلم:اسماء طنوس المكر 

يا قاتل مانَّـك إنـسان --- وِمـأَكَّــد إنَّـك شـيـطـان

ما عندك نِتفِة رحمِه ---ولا بِتخاف مْنِ الرحمان  

___________________________ 

يا قاتل روح بروحين---  قاتل زَوْجِـه مع جنيـن

من ربَّك حَتْروح لوين--- يا قلـب الخـالي حنيـن

___________________________

ربّي جمّعُكم زَوْجين ---صِرتوا واحِد من جسدين

ولَمّا قَـتلْـت مراتَـك --- بِقِي النُّص والثّـاني ويـن

___________________________

سَيْطَر عليكَ إبليس --- يا المُجـرم ويا الخَسـيس

ولمّا نِصفَك ذبحتُه --- خسِرْت الغـالي وِالنّفيـس

___________________________ 

وبعِد ما فات الأوان---صِحي ضميرك النَّـدمـان

وِبلَّشِتْ تلوم حالَـك--- ومـانَّك مِـرتـاح وتـعبـان

___________________________ 

وهَدَّمِت ياللّي بَنـيتُه --- بِظُـلمَـك انـتَ جـنـيـتُــه

شو بِقيـلَك بالحـياه ---  بــيـتَــك خـالي خَـلّـيـتُـه