X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
أدب وشعر
اضف تعقيب
19/07/2022 - 04:26:09 pm
زجل  ايليا النبي – بمناسبة عيده مار الياس   بقلم: اسماء طنوس المكر

زجل        ايليا النبي – بمناسبة عيده مار الياس   بقلم: اسماء طنوس المكر

ايليا النـبي الغَيـور قَـوِيٌّ بالإيـمــان

                     ثارَ على الأوْثان وعِباداتٍ بِعِــدّوها

ايليا اللّي بِعبد ربُّـه وِبْروحِـه ملــيان

                     كَسَّر آلِهة الِاصنـام ياللّي بيِعبــدوها

وقَدّم ذبيحه لِربّنا تتكون لهُم بُرهــان

                     والنار نِزْلت عالذّبيحه الكُل شافـوها

وٍبهيك انتصـر ايليا عَعابــدي الأوثان

                    وقَتّل اللّي كفروا وقُدرة الله ماصدّقوها

وبِقي محروس بقدرِة ربّنا إلوالسلطان

                   وراح اختبأ بِمْغاره لا ما بيِعرفــوهـــا

والرب كان يبعث طعامُه مع الغٍربان

                   لمغاره ياللّي تقَدّسِت وعَإسمُه سمّوهــا

وعمل آيات عجيبِه بقـدرِةِ الرحمــان

                  مَجّـدَت فيها  إلـهَ الكــون لمّـا عايَنـوها

ولماالسما لأمطارها أصدرت حِرمان

                  ثلاث سنين ونُص نقطة مَيْ ما شربوها

حَنّ النبــي إيليــا وصَلّــى للرّحـمــان

                 تِنَزِل عليهــم السّمـا أمطـارها تَيِرتـووها

لَبّت السّما النّداء وجادَت على البُلدان

                 بصلاة إيليا النــبي وعجيـــبٍه صـدّقــوها

وعجوز ال زارها وقالها أنا جوعان

                وكانــت فقـيرِه والطحيـنـات ما بِكفــوها

 

ونِتفِة زيـت عنــدا أقـل من فنجــان

                     مــا بيْكـفّــوا للأولاد إذا طــلبـــوها

قامت وعجنت  وما هَمّا شو بَقـيان

                   أنعم عليها بالمونِه شهور ما نَقَصوها

وإيليا ال حِملَتُه للسّما مركبِة نيران

                 سامع الصلى ومِنّو الشفاعـه أُطلــبوها




Copyright © elgzal.com 2011-2022 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت