زجل لهم عيون لا تُبصِر وآذان لا تسمع بقلم:اسماء طنوس المكر

عَم نِحكي مِنقول وِنْعيد ________وبَعدو الأمِر عَم بيزيد

مالْــهُـم عيـون وآذان ________ ما سِمعوا ياللّي مِنريد

_________________________________

الِعْيون ما فيها بصــر ________ وآذان صُمُّ وما بتسمع

وماشين بطريقِ الشّر_________ الِعْيون ما فيـها تِقشـع

طُرُقهــم كُلهــا حُـفَـر _________ الِقْلـوب ما بَدّا ترجـع

ما بيـحِسّوا بالخطــر _________ وكُلٌّ بعُنـفُــه بيــزيــد

_________________________________

بالصّوابِ ما بيِمشوا _________ الِعْقول فيها إعوِجـاج

غضبـهُم عَم بيفِشّـوا _________ صابهُم بالعقْلِ ارتِجاج

بالأعمـالِ بيِـنغَشّـوا _________ عندهم مرض بالمِـزاج

السُّمّ عالنّاس بيرُشّوا_________ بـالـعنــفِ كُــلٌّ عنــيــد

__________________________________

ياللي تْحِبّوا الجرايِم _________ عم تمشــوا وَرا إبليـس

والضّميِرِفيكُـم نايِـم _________ كُلٌّ منكم صار خسـيس

كُلٌّ بالعُنــفِ حـالـم _________ للسِّلْــمِ ما في بصـيــص

ألله ما يْحِب الظّالم _________ وعن ربُّه راح يبقى بْعيد

___________________________________

وصرخة الدمِّ المقتول________ بيِسمــعـها الربّ العــالي

بتبقى عن ذنبَك مسؤول_______ ربَّــك عِــنــدُه عـدالِـــه

ذنبَك فاحش مِش معقول_______ وِانــتَ مــانَّــكِ مْبـالـــي

إرجــع لِــربَّـــك وقــول_______ عَن شَــرّي رايِح أحـيــد