X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
أدب وشعر
اضف تعقيب
01/01/2022 - 10:42:34 pm
 زجل    عام جديد      بقلم :اسماء طنوس المكر

 زجل              عام جديد      بقلم :اسماء طنوس المكر

   عام جديــد طَــلّ عليـــنا

   انشـــاللّه أحـلـى عيدِيِّـــه

  والـهَنــا ربّــي اعطيـــنـا

  النِّعمِـــه مِنَّــــك هـــدِيِّــه

  _____________

  وتِتبَسَّــــم لِنـــا الأيّـــــام

  وِيْحِـلّ علـــينـا السّـــلام

  بالمـــحــبِّــــه وِالوِئـــام

  سلامَك ربّـــي عَطِـيّـــِه

  ____________

 ما بِدنــا حَــرب وسِـلاح

 بدنا بقلوبـــنــا السَّمـــاح

 ويِشرِق عليـــنا الصّباح

 مِن دون هَــمّ وأذِيِّــــــه

 ____________

 طفل الِمغــاره مَــعـنـــا

 خَــلّى للدِّنــيــي مَــعـنَى

 عَــمّ بغَنّـــي المِعَـــنَّــى

 بَـهديـــها للبــشـــرِيِّــــه

 ___________

 

 

 

 الطِّفل الجايِ في مغـاره

 جــــايِ لَــعِــنــا زيــاره

 جايـــِب معــو الِبشــاره

بمَــــريــــمِ البــتــــولِيِّــه

____________

 رَبّي الخالق هالوُجــود

 انتَ الكرم انتَ الجــود

 بيسوع بيِخْضَرّ العــود

 بتِبقى العيشِـــه هنــِيِّــه

 ___________

 هالسِّنِـــه مَلّيــها سـرور

 عَطِّرها بِأحلى عطـــور

 انتَ الحلى انتَ الزّهور

 والأنــــوار البَـــهِـيِّـــه

 ___________

 وللأطفالِ المحروميـن

 ربّي أعطيـهُــم حنــين

 وللحُكّام أعطيهُم ليـــن

 وحِكــمِه بَـــدَل قَسِيِّــه

 ___________

ربّي زور كُلّ الأوطان

وفَرِّح كُل واحد زعلان

بَــدِّل خوفهُــم بالأمــان

وبالمـحبِّـــه القلــبــيِّــه

_____________

إقلع منِ الدّربِ الأشواك

ومَلّي الِقْلوب بأشـــواق

ربّي المُعطينا الأرزاق

رحِمـتَــك شو غنِــيِّــه




Copyright © elgzal.com 2011-2024 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت