زجل          المُؤمن لا يعرف المستحيل       بقلم :اسماء طنوس المكر  

بإيـمـانـك عـنـدَك قُــوِّه ______ وما بتِعرف المُستحيـل

ولمّا بتمشي كُل خُطـوِه ______ إيـمـانَـك يـبـقى الدّلـيل

________________________________

ما بتوقَف بِنُص الدّرب ______ ما بتِتلَفَّت شرق وغرب

عِـنـدَك إرادِه عَــطـول ______ وعَزيمِه جايِه منِ الرب

________________________________

الإراده بتبني الِقصـور ______ ما بتعرف مرَّه القُصور

الفشل مِش ساكن فيها  ______ إلـهـا جِنـحـانُ النُّـســور

_________________________________

الإرادِ مِثـل الـبنـزيـن  ______ هِــيَّ مِثـل الأُكسـجـيــن

 بِدونا النَّفَس مقطوع  ______ بتبقى تعـاني يا مِسـكـيـن

_________________________________

إبــدَأ بِـكِــلـمِــة ربّـي  ______ إمـسِـك إيــدي بِـــدربــي

إفتح قُدّامي الطُّرُقات  ______ مِنــكَ النّـصِـر وِالـغَـلَبِـه

_________________________________

الأمــل مــعهُ الإرادِه  ______ فــي طـــريــقـــك  زُوّادِه

وِالهِـمِّــه لِـكَ بِتـقـول  ______ بحمـاسي بتــاخْــذِ زْيــادِه

_________________________________

لا تْقول ما عندي قُدرَه ______ أُطلُـب يســوع والعــذرا

راح تولَع مِنِ الحماس ______ وِالخـوفِ بيِـطــلـع بَـــرَّه