ارسل لموقع الغزال الطالب الثانوي سليم محمود عبد الرازق من ابو قرية ابو سنان الذي يدرس تعليمه في ثانويتها رسالة مؤثرة حول الاحداث الاخيرة المؤسفة في قريته الغالية ابو سنان دعا فيها الشباب الى التعقل والتسامح والمحبة بين طوائف بلده التي كانت وستبقى مثالا لعلاقات حسن الجوار والمحبة والوحدة والتآخي بين جميع افرادها وعائلاتها وطوائفها وشاكرا كل اهل الخير الذين ساهموا ويساهمون في الصلح والاصلاح من داخل ابو سنان وخارجها داعيا الى المحبة والتعاضد والألفة والتسامح بين الشباب .

"انا سليم عبد الرازق من قرية ابو سنان عمري 18 سنة بدرس بثانوية ابو سنان بالوسط الدرزي احنا اخر فترة واجهنا مشكلة كبيره بين الطائفتين الدرزيه والاسلامية وصار فش اشتباكات عنيفه ومصابين من الطرفين والحمدلله المصابين بالف خير ونشالله هالمشكله بتنحل باقرب وقت لانو ابو سنان دايما ودوما راح تكون رمز للسلام والاخوه والمحبه والتقارب بين الناس ومهما وصلت لفووق بضل في ربنا الي بأمره قادر عكل اشي ولا باي ديانة من الديانات امرت بالمشاكل ولا القتل ولا الاعتداءات من اي طائفة ولا التعدي حتى لو بالكلام على اي رسول من الرسل

واحنا كوننا الشباب مسؤولين عن هاد الوضع الشباب هني سبب بصلاح الشباب بتمنى هالرسالة توصل لشبابنا وشباب من بلاد تاني حتى لما بدهن يفكرو باي خطوة من هالمشاكل يفكروا بطريقه منطقيه وبنظره للمستقبل لانو بفكرش اي واحد فينا برضى انو ولادوا يتعايشو بوضع متل هالوضع وانو كل واحد ينظر عالتاني بنظره العنصريه !

قد ما كانت الشباب ومشاكلها كبيرة راح يضل الدين والحب والسلام اكبر من كل هااد ببلدنا وبباقي البلاد ,, وبتمنى كل اشي ينحل ونشالله بترجع المي لمجاريها ,,

اذا اكم من شب فكروا وارادوا انو يخربو بين الطوائف لازم نحطلهن حد وما نشجعهن بقول هالحكي للكبار بالذات لانو مش سهلة ابدا انو شبابنا تتورط بهيك مشاكل يعني في طلاب بتبحث عمجالات علمية وبكرا انا بدي التقي مع ابن ديني وغير ابن ديتي كيف انا بدي اتعايش مع هاد الوضع !

بتأمل وبدعي لرب العالمين انو تكون غيمة سوداا وبتزيل عن قريتي وعن جميع القرى وخلص يعني احنا ضار لازم نتصرف بوعي لانو اذا منتصرفش بوعي احنا راح نضل نتراجع ومش راح نتقدم !!

الله يخلي شباب جميع الطوائف ويديمهن على محبة ونشالله كل شب يفكر بهالحكي ويساهم بدعم ههالحكي لانو بالاخر الشباب هني سبب بصلاح المجتمع والشباب !

ونشالله ما بكون الا كل خير وبتقوم البلد والبلاد اخرى على محبة وسعادة وسلام !

انا بحب اوجة الشكر لكل اهالي الخير والصلح والاصلاح من ابو سنان وخارجها واعتز فيهن وبكل سعييهم من اجل الصلح في بلدنا وبتأمل وبتمنى انو ابو سنان وغير ابو سنان ترجع بلد وحده وايد وحده وقلب واحد وان شاء الله اهلها ما بجتمعوا الا بالافراح والمناسبات الطيبة وشكرا"