عن وصفك يا أمي عجزو القوافي

ومهما أمدح بوصفك مكافي

بدون الأم ما في بيت بيعمر

وما بصير جرح القلب شافي

طول الليل جنب الابن تسهر

المهم يكون بخير الطفل غافي

مستعدة بروحها والعمر تخسر

بشرط يكون صاع الابن وافي

بتحلي الكاس إذا ببقى معكر

من إيدها بصير الكاس صافي

يوم عن يوم مهما أنا بكبر

ما بنسى حضن إمي كثير دافي

أنا كرمالها ع الموت مجبر

وع لأشواك بمشي أنا حافي

إمي علمتني كثير وأكثر

عن الأخلاق ودروب النظافي

وقلتلي إوعا بوجه الناس تنهر

عامل الناس بحنية ولطافة

بشعر أنا بصحابي بتفخر

إذا بكون ضيف الدار لافي

قصر شامخ بلا امي بدمر

وبصبح مثل خشة وكوخ طافي

ما بدي مال وكنز وذهب وجوهر

بدي أشبع عيني بإمي

وبكلمة إمي تتحلى شفافي