قَبِـل ما تِحـكي كِلْمِتَـك إِوْزِنها بالميـزان

                           حتّـى ما تِجْـرَح حـدى وِانْتَ بِتِحكيــــها

والكلـمه لَـوْ عَنيـتْها  تَتْـمِسّ أَيَّ انسـان

                          بِتْكون جَرَحتُه جْروح لا شيء بيِداويها

وراح تِخلِق عَداوِه بينكو ويِبقى عليك زعلان

                          وكيـف راح بِتْرَجِّــــــــع الْمَـيِّ  لِمـــــجـاريها

وِالجارح ما هَمُّه شـيء حَتّى ما هو  سَأْلان

                          لو كِلْمِـتُه كانـت جَمِـر عَقْلوب  تِكويها

وبالُـه بيظَلّ مِرتـاح والْقَــــــلِب شــــــــو  فرحـــــــان

                          ولا هَمُّـو يِعتِـذِر ولا  الكلمِـه يِمْحيــــــــــها

ولا هَمُّه يِمضَى العُمُر  ولا يقول انا غلطان

                          ولا يْروح يِطَفّي النّار والرّوح يِرْضيها

وبيزيد قسـاوِة بقلبـُــــــــه وبِبْـقى حجــــــر صُــــــــوّان

                          وبِيطـول بِعنادُه وما بْيِـرضى يِسَـوّيـــها

يا اللّي مغرور بنفسَك  وِمْفَـكِّر إِنِتْ فَهمـــــان

                         أُترُكْ غُــــــرورَك  وروح للـــــرّوح عَزّيــــــــها

حاسِبْ ضميرَك عَالغَلَط  إِرجَعْ وِقُلْ نَدْمـــــان

                        والنَّفِس يا اللّـي قْتَلْـتها صالِـح  تَتِحْييها

إِعترافَك فضيـلِه ونَدَم بتِرْضي بهِ الرَّحمان

                        بتِلقَـى الذُّنـوب اللّي فيك الرّب نـاسيـها