زجل        المونديال والتّحدّي       بقلم: اسماء طنوس المكر

الرّياضه فيها المُتعَه مع روحِ التّحَدّي

                       تَيْلاقي الفريق الفوز بجُهدُه وِإصرارُه

وما يرضى يزيح عَنِ الأهداف يِرتَدِّ

                      تَنّو يِــحوز النّصـــر قد أعلَـــن  قرارُه

بهِمِّه وعزيمِة قلب الِجْبـــــال بيهِــدِّ

                     الفشل ما بيِقبلُه ولا بيِرضى انكِســــارُه

راسم نجاحُه قبالُه يطير وما يْهَـدّي

                     حالِف يمينُه يرجع والعَلَم مرفوع لِديارُه

هيك الإرادِه بتعمل بِقلوب مِشتَـــدِّه

                     فيها نجاحُ المُنتخَـب وبيكـــونِ افتخــــارُه

يرجع منِ المونديــال بقلايِــدِ الوردِ

                      والفرحه مِثـــلِ العيد لِفَــــوْزُه وِاقتـــِدارُه

يا راكبَ الرّيــحِ عالأرضِ لا تْهَــدِّ

                      إلّا بِتحقيـــــقِ النّصِـــر وتَتميــــمِ إقرارُه