حكاية عمر

 زهير دعيم

( همسة  باللغة المحكيّة في عيد ميلادي ال65  الذي يصادف اليوم  الأحد  02 24 )

شروق الشّمس أحد وعيد

وحكاية  عمر  ومْواعيد

ونسمة شباطيّة حلوة

بزقزقة وشدو وتغريد

بتحكي عنّي أنا زهير

عنّي أنا  بالتحديد

الجليلي العاشق الربّ

والنور الآتي من بعيد

عن انسان أحبّ الناس

ولوّنْ حَرفو بالإحساس

رسم الشمس في لوحة

وسربلها بهمس الانفاس

وغنّى الوطن في حكاية

مجبولة بوهجِ الألماس

خِطي كتير ، تاه كتير

بالتصرُّف والتعبير

بنظرة شقيّة سودا

حبلى من رحم التفكير

تطلّع نحو السّما وقال :

يا الهنا يا القدير

غيّرْ حالي وهدّي بالي

واملأ قلبي بحبّ كبير

وارزع دربي أماني

وعشق الغني والفقير

وحُبّ البَّشَر ؛ كلّ البشر

بمحبّة غزيرة  بلا تأخير

سمعْ الله واستجاب

وشرّع لي كلّ الابواب

وقال تهنّى بحناني

بتظلّ ابني مهما غاب