زجل للمطر    عِمل التجديد    بقلم: اسماء طنوس المكر

أهلاً بالمطرِ ال هَلَّ

بوَجهُه الِجديد

ولـمّـا عَــليـنـا طـلَّ

عِمِلِ التّجديد

*******    

خير السمـا جابِلــنا

ونِزلَت أمطار

نِعــمِــة ألله حامِـلنـا

يِسقي الأشجار

والزّيتـونِ اســتــنّـاهُ

يِغسـل الِغبــار

وتِكبــر حبّـاتُـه فِيّــو

ويبقـالُه عيــد

*******  

يامطري نِحنا بدونَك

ما فينا نعيش

لا في زيت بزَيتونـَك

ولا عِنّا عيش

يا الغالي لولا عيـونَك

ما في مناقيش

ولا طبـخـنـا مـجــدّره

ال فيها الحديد