زجل    العطاء أفضل منَ الأخذ     بقلم:اسماء طنوس المكر  

أعـــطِ قَــدَر ما بتقــدَر

الله بيِعطــيك

وانت مش رايِح تخسر

راح بيجازيك

____________    

إذا بتعطي من قلبـــك

بتكون سعيــد

بِتكون  بترضي ربَّـك

وأجرَك اكيـد

وكلمِه تعبِّر عن حُبَّـك

رايحَه بتفيــد

وان كان إيدَك بِعُبَّــك

لا شي بيِكفيك

____________

أعطِ من دونِ جْميـلِه

وبِـلا مـردود

لَوْ عــطيِّــه قــليـلِــه

من قلبَك جود

لا تِطلَع بشي حيــلِه

راتبي محدود

لمّا بتِشبِع راح تِشبَع

الرب مو ناسيك