تواصل معنا عبر الفيسبوك | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
|
زجل فَجرُ القيامَه رحيلُ الكورونا بقلم:اسماء طنوس المكر
في يــســوعِ القيـامَـه ____ وِبنورُه راح يِحيينا
ومعه ُصحَّه وسلامَه ____ منِ الكورونا يشفينا
______________________________
ولمّا من قبرُه بيقـوم ____ بتقـوم الدِّنـيي معـاه
والوبا بيبقى معدوم ____ بِنورُه بيعطي النجاه
بعدِ الصلاةِ والصوم ____ بترجـع لإلنـا الحيـاه
بِاللـهِ الحَـيِّ القَــيّـوم ____ ما بِتـخـيب أمـانيـنـا
______________________________
ربَي صاحبِ القُدرَه ____ بكِلمِه بينجّي هَالكون
بشفاعِـة أُمُّه العـذرا ____ الدّنيي تبقى أحلى لَون
والعذرا تحِت سِترا ____ بتجمعنـا الأم الحنـون
والدنيي كُلّا خضرا ____ بِـورودا تـزَهِّــر ليـنـا
_______________________________________
يا شعوب الدنيي كِلّا ____ شوفـوا الرب وحنـانُـه
وعودُه ما مَـرَّه خَـلَّ ____ جـاي بوَقـتُـه وزمــانُـه
وزمـنُ الضّيـقِ وَلّى ____ معـهُ الفــرج سُبحــانُـه
والعيــدُ جانـا وهَـلَّ ____ بعيـدِ الفصحِ ال جايينـا