وردنا

  ( ورد ساهر دعيم )

   الجدّ :  زهير دعيم

 ورْدُ ورْدُ  وورودو

ما احلى شَعْرو وخْدودو

 شبّ صْغيَّرْ

 ثمرو مْحيّرْ

شهدو مقطَّرْ

عمّا يحْلى عنقودو

شُعلة ذَكا وشُعلة نارْ

وضُمّة فُلّ بلون الغارْ

بتاخدنا لَشي مِشوارْ

حتّى نوصَل لَحدودو

بسماتو زهْر ومنتورْ

وأنفاسو عِطر وبخّورْ

وحركاتو لمّا بيدورْ

قصّة أمل عَ زْنودو

يا رَبّي احفظو واحميه

 أمل الأهل مْعلَّق فيه

وازرع بالرجا خَوافيه

 لَجَدّاتو وجْدودو