زجل           الزجل يُطربنا        بقلم: أسماء طنوس المكر     

نَسَّـم  زجلنـا مِن هــواكِ بـلادنـا

       وأوف وعتابا وطرب في بـلادي   

المِعَنّى وِالشُّــروقي جُـوّا قلـوبنـا   

         وما نحيد عَنّـو أن كان  قـرّادي  

حُب الزجل ممزوج معِ ارواحِـنا  

        بِتغنّي إلو الروح لِقْرابِ وِبْـعادي 

وِبيِعلى الموّال كُل ما عَن عَبـالِنا 

        وِاللَّمه حَوْلَ الزجل أكبر شـهـادِه  

وعالمِجوِزِ ومِزماربيِطربوا شُبّانِنا 

        بدبكِه تِهِزّ الأرض  بِهِمِّه وإرادِه  

ودبكِة ظريف الطّول وِاغناني دلعونا 

        بِتهَيِّجِ الشّـباب بيِتحمّسـوا زيـادِه 

هـذا هُـوَ التُّـرات من زَمن أجـدادِنـا

      اتغَنّوا بِالأعراس عَصَوْتِ الحَدادِه

والعُـرس كان يـلِـمّ جـمـيعَ احـبابِـنـا

     كُلّ البلد تِحضَر وِيطوفوا بِالعريس  

الراكبِ المُهرَه باغناني وصَقفات الأيادي