طلّاتو أحلى طلّة 
(في عيد ميلاده الثالث  لحفيدي الأصغر جود ساهر دعيم )
شعر:زهير دعيم

جودنا يا أروع جودْ 
أحلى طفل في الوجودْ 
 خفّة دم ونَغاشة 
وعطر غامر هالنُّجودْ

ضحكاتو  ورد وفُلّة 
 وطلّاتو أحلى طَلّة 
وخجلو لمّا بيتجلّى 
 بيفوق كلّ الحُدودْ

زرع حقولنا آمالْ 
وغَمَر دروبنا أحلامْ 
وكتب عَ جْبين الزّمانْ 
 قصّة مسنودة بزْنودْ

يا غالي يا ابن الغوالي
أنت فرحي وموّالي 
 وصلاة بتعنّ عَ بالي 
 مليانة محبّة وسْجودْ

ربّي يلوّن أيامَكْ 
 ويحقّق كلّ أحلامَكْ 
ويدوزْن  عَ أوتارك 
 رنّات من أحلى عودْ