X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
حفلات تخريج
اضف تعقيب
16/06/2013 - 10:23:29 pm
نقاش حول حفلة التخرج في ثانوية يافة الناصرة
بقلم : طالبة من طلاب الخريجين
مش عارفة من وين بدّي أبلش أو حتى عن أي منطلق بدّي أكتب، بس بدّي أكتب كُل إللي بقلبي وبس.
تخرجنا كان يوم سبت، يوم سبت عشان الأهل يكونوا فاضين ويجوا على التخرج يحضروا الحفلة، بس عَ أي أساس بدّهن يجوا؟ لما الأدارة مش معطية حق لكل طالب يطلع ويستلم الشهادة قدام الأهل والمعلمين والناس إللي غاد، كان تسليم الشهادة لكل طالب خارج إطار الحفلة التخرج، يعني قبل ما يجوا الأهل وتبدا الحفلة، أعطونا ياهن هيك على الماشية ويلا؟ طيب أنا أبوي إللي كان جايب كميرا ومحضر حاله عشان يصورني يقوم يقول لي إنه ما شافني شيلي بالحفلة غير لما فتنا " هاي لما فتنا ، فتنا على السريع وسلمنا على الموجودين من الطبقة " العليا " يعني أبدًا ما كان في وقت لحتى الأهل يشوفوا أبنائهن ويصوروهن أو بس يكحلوا عيونهن فيهن...

كانت البرامج ساخرة جدًا ، تقديم أكثر من 4 أغاني بصوت ناس ما خصهاش بالتخرج وبس طالبة وحدة إللي من التخرج قدمت أغنية، وشر البلية ما يضحك إنه برنامج الحفلة بس تقديم أغاني؟
طيب تعوا نحكي عن الكلمة إللي طلع رئيس المجلس يحكي فيها، طلع عمل دعاية إنتخابية إله إنه عمل هيك وزبط هيك وهيك وهيك ، يعني بالعربي بحملة الإنتخابية الجايي صوتولي
J
والمدير طلع يحكي عن إطار التعليم السنة الجاي وعن وعن ..
وطلع واحد إبن الأستاذ رؤوف أبو حاطوم وزع هداية للمتفوقين إللي هني 4 من 4 صفوف ، جد بالله؟ بأي حق؟ عَ أي حال هو حُر يعطي لمين بدّه بس في عندك 10 صفوف بالمدرسة ليش هدول الـ4 بالذات؟؟ تميز تافه جدًا

وبعدين قاموا بعرض صور للخرجين، عرضوا يمكن لا 7 صفوف والـ 3 الباقية وين؟ أي في صف معطي فوق ال40 صورة للمسؤول عن عرض الصور وهو ناسي بالأصل يحطهن، كيف يا عمي؟ عقلك وين؟ كيف نسيت؟ مش في أهل كمان بدهن يشوفوا أبنائهن على الـ3 شاشات إللي حاطينهن، وما أعطيتوا فرصة يشوفوهن بتوزيع الشهايد كمان هون؟

ويعني من الأخر إحنا دافعين 450 شيكل للتخرج عَ أي أساس؟ وين حقنا؟ وين الفعاليات؟ حتى بتعرفوا شو ، ما كان في صحافة بالتخرج وكانوا مصور إللي اذا بدك تتصور بتدفع حق الصورة إذا بدك ياها.. وغير هيك مصور المدرسة طلب من صفوف الـ11 إللي بصور بس صحابه وإللي بعرفهن بس ،،  يعني نصب نصب نصب نصب، بدّي أفهم 450 شيكل لشو؟؟ وغير مصريف الفساتين والأواعي والمكياج والشعر والخ..
يعني عملنا مكياج عشان الناس تشوفنا ونطلع  إشي حلوو ، قعدنا على الكُرسي من أول الحفلة للأخر ولا قُمنا ولا عبالنا طيب لييييي؟؟؟

تكلفة التخرج تقارب ما بين 100 لا 1200 شيكل بس بالأخر كُلشي على الفاضي طلع..

يعني إحنا تخرجنا وخلص راح كُلشي بس في جيل جاي ورانا لازم تعطوهن متعه التخرج وحق كلمة الـ"تخرج" يا إدارة ويا معلمين، تخرج يساوي إنبساط مش إنحباط ولا زعل بالأخر لإنه في صفوف طلعت زعلانه من قصة عرض الصور، وغير هيك أبقوا خذوا منّا مصاري بس خلينا نعرف وين بتروح، مش تروح على حق الأكل إللي حطينوا ولا على حق منسق الأغاني وحق القاعة ،، ولا عشان نسمع حملة إنتخابية من رئيس المجلس.

وشكرًا 

ونحن بدورنا سنقوم بالاتصال بمدير المدرسة لاحقآ لفحص ما جاء في الرسالة

Copyright © elgzal.com 2011-2022 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت