انتخابات البلديات والمجالس المحلية 2018
21/10/2013 - 12:48:19 pm
صورتك إعلان زاهد عزت حرش
صوّرتَك
ع لوحِة الإعلان
أكبَر من الإعلان
أكبَر مِن بيوت البلد
ومن قلعة العُثمان
أكبَر من الحيطان
صوّرتك
بعيّون الناس
ع كُبرها بتصّغَر
وكُل ما تُنفُخ بحَالك
بتضييع العنوان
يا حَضرة المَعروض للتَصويت
مَعروف إنتي مين
حفظناك
وحياتك حفظناك
من كُثر ما شُفناك بالميدان
لما قَعدت سنين ع الكُرسي
تتبيع جِبنة وتين
بِالسِر والكِتمان
من طَلتَك، ع الناس بالديوان
بتقُول
شو ما تقُول
بّتحّكي، ومش مَعقول
تـ يّصَدقَك انسان
حِتى اللّي كَانوا مَعك
شَغّلتهن سُخره
وشَبعّتهن دُخان
بِكفيّك عَشر سنين
عَامل علينا زَعيم
هَـ البلد فيها ناس
مِش مِعزى
ولا خُرفان
حّل عَنا عَاد
الفيلّم أحترَق
وتّقَطعوا الشُرطّان
كّثيّر في غيرَك
شَباب مِثل الوَّرد
متعَلّم وفهمان
يَعني
لازم بلدنا تكون
يا مَع الجُهال
يا مَع الرُعّيان
بعُمركوا سّمعتوا
عَن كنَّاس بيغَّبر على طحَّان
حِل عَن رَب البَلد
مَا عَاد فيها الك
ع اهلها سُلطَان
جَربناك
وعرفناك، بكَفيّ
خَلي العَقل ميزان
بتقُول شِّدوا الّهمه
ع شّو بَدنا نشّد
ع الكِذب يا فَهمان
مين اللي فِكرَّك نِسِّي
حكَايّة الجّاجّي
يا فِتّح، يا صَاحَّي،
الشَعب مِش غَفيّان
شِيرانسكي، وجدعون
وعَلّم اسرائيل
والفِجل والبَطيّخ والرُمان
وع القلعه لمَن جِبت
واحَد سِمّج تَافه
يعمَّلّك مَهرجان
يا صاحب الاعلان بِكّفي
ضِحّكوا علينا بالقرى الخّوثان
خَلَص
فُضّها سِيره
وأنسَّى الاشِي اللّي كَان
الرِئاسه مِش طَابو الك
مِش ورّثه
شُوفلك اشي ثَاني
غّيّر وبَدِل
أعمَل لَنَفّسك كِيّان
الفَرَس الأصيّل إن خِسّر
بِطلَّع من السَّبَق
بِترِك الميدان
إرّجَّع لعَقلّك
روووّوّوّووح
كُل مِن تّغَطى فّيك
بّعز الدَفا
بردّان
شفاعمرو 22.09.13
اضف تعقيب