زجل

في يوم مكافحة العُنف ضد المرأه

بقلم :اسماء طنوس المكر

أعطوا النسوانِ حَقّا       إلها حقوقـــا الشرعيِّـه

تحت القهِر ما بتبقى   بِتْطــالـــب بالحُرِّيِّــــه

 حَسَبتوا المرأه قاصـر مالــها بيــنكـــو مكــانِـــه

لَوْلاهــا ما انــتَ قادر  هـــي ِّ أغـلــى إنســانِــــه

إنتَ مش مِثلا صـــابر  ولا مِـثــلا في الـحـــنــانِ

بيتَك بِوْجــودا عاطِــر  مِثْلِ النســمِــــه الطّـرِيِّـــه

 هِيِّ جناـحَـك لَمّا تْطـير من دونا بتــبقى عَالأرض

وِان غابت عَنَّك بِتصير تُبرُم أرِض طول وعَـرض

هِيِّبِتْعاملَــك مِثْــلِ الأمــير  وما بتعــطيـــها الحِنِّــيِّـــه

المركبِــه ال بتسـير  مــالَك أوامـــر وفَــــرْض
 

بِتْعاملَــك مِثْــلِ الأمــير وِبقـــلبَــــك دايْمــاً شُـكــوك

ما بتُشعُر قلبَـــك ليـها تاركـــهــا بغيـرا مشــبوك

وما مــرّه بتكـــافيــها  وفي عــيدا ما في مبـروك

وهْدِيِّـــه ما تْهــاديــها  يالــلّـــي بتســهـر لَيْـــلِيِّـــه

وفي الشّدِّه مالَك أعصاب العُنــــف بياخُـــذ مكانُـــه

بتستعمل معها الإرهـــاب  وعقلاتَــك بِــبـدوا يـجِنّــوا

والعِــلِّـــه من الِاكتــِئــاب مِش قــادر تِطــلـــع مِـنّـــو

يا حوينِتـهُم هَالشّــبـــاب  قلوبهــم صارت صخرِيِّـــه