تواصل معنا عبر الفيسبوك | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
|
زجل بِاللُّطف لا بالعُنف بقلم:اسماء طنوس المكر
في كُلِّ شهــورِ السّنَه__ غابتِ الرّحمِـه فيكو
ما ذُقتـوا طعـم الهَـنا __ ولا بالعيشِه اتهنّيتوا
رمضان جايي للتّغيير__تَتْصَلِّح كُلِّ اللّي فيك
لو كان كْبيرأو صْغير__ ربَّك راح يغفرهُ ليك
عَـفْـوُ اللهِ كْثـير كْبـير__ حابِب يِترضّى عليك
أُطلُــب مِنّـو التّـدبـير__ راح تِلقى اللّي تْمنّيتُه
أُسلُك باللّطفِ واللّين __ لا بالعُنــفِ والعُـدوان
باللُّطفِ قلبَـك بيليـن __بيِـلغي القتِـل والحِرمان
أُطلب من ربَّك يْعين__ يعطي الحكمِه والإيمان
خلّيك العـبد الأمـين __ لـربَّــك لَـوْ راضـيــتُـه
بالعُنفِ ما بيِسمعلك __وعنِ الرّحمِه بتبقى بْعيد
وِدْروبَك ما بيسَهِّلَّك __ ولا مَـرَّه بتبـقى سـعيـد
كيف بتْعامِل بيعاملَك__ ورايِح تِتْلَـقّى المَـزيـد
وإن أهملتُـه بيِهِملَك __ بيكون هــذا ال جَنيـتُـه