زجل : لشهر رمضان     هَل هلالك   بقلم : أسماء طنوس المكر

   هـلّ هـلالَك وفْرِحْنا                         

   أهــلاً رَمَـضـان                             

   فيكَ العـالي بيِرحمنا                      

   بيِـعـطي الغُفـران                           

   ************                     

   لِهْـلالَك  شو اسْتَنّينا                        

   أيــام   وِشـهـور                             

   ولِصيامَك شـو حَنّينا                       

   تيــجـيـنـا تـزور                            

   وِذْنـوبِ اللّي  سوّينا                       

   بـيِـمْحَى الغَـفـور                            

   ربّـي العـالي يهَنّينا                        

   بشَـهِـر رمـضـان                            

   *************                    

   بيـن البَشَـر  والدّايِم                         

   صُـلْـحَـه وسـلام                             

   وبين الصّايِم والصّايم                      

   حُــبّ   وِّئـــام                             

   الله بيـهـدي إلنّـايِم                          

   إصـــحَ  قَــوام                               

   قـُم  وَّحِّـد الـدايم                           

   ربَّــك رَحْـمــان                               

   *************                    

   يـا غافِر كـلَّ ذنوبي                        

   طـهّـرْت  قـلـوب                            

   يـا معطِّر لي إِطيوبي                     

   إِنـتَ  المـطـلـوب                         

   إنتَ أكـلي  ومشروبي

   وانـتَ  المـرغـوب

   والـلّي روحُه مغلوبِه

   بـيـلـقـى الأمـان

   *************

  اهلاً  بالضّيفِ الغـالي

  ريـحتَـك   بـخّـور

  نـورَك أكـبر دلالِـة

  ضـوَّى المَـعـمـور

  جايِ وحـامِل رِسـالِه

  مــنِ  الغَــفــور

  إلَـك توبِه منِ العـالي

  بصـومَـك رمضـان

 *************

  يا خاطي قـُم  وصَلّي

  واذكُـــر   ربَّــك

  وِهْمـومَك إلْـها حَلّـِه

  لا     تِـِتْــلَـَبَّــك

  ربَّــك غـافِـرِ الزّلِه

  هــو بـيـحـبَّــك

  وبـيداوي  أيَّ عِـلِّـه

رُحْ وسامـِحْ أصحابَك