زجل     عيد وفرحه واللّا قتلَى وجَرحَى     بقلم :اسماء طنوس المكر

عيد الأضحى الِمـبارك____  زور بيوت المساكين

دقدِق على بيوتِ الناس____ عَزِّ قلوب المحزونين

_____________________________

العــيد مَـحَـبِّـه وإلـفِـه ____  ما عاد للمحبـه الـوان

من الِقلوب عم تِختفي ____ صارت حجارِة صُوّان

بِالِقلـوب فـرح ما في ____  وما في لِذِّه بـأيِ مكان

وِالأخو خَيّـو مجـافي ____ لا في رحمِه ولا حنيـن

______________________________ 

صِلَةِ الرّحمِ معـدومِه ____  ما في رأفِه ولا حنــان

الِقلوبِ قِلبَت مَصدومِه____ منِ الجفا ومنِ النّسيان

العِيَلِ صارت محرومِه____ من فرحِة أعياد زمان

في بيوتهم المهـدومِـه ____  هَجَر العيد رَحل لَوين

______________________________

وصوت الرصاصِ بكُلِ يوم__ عالأرواحِ مِش سائلين

صـار القـتِل دايِـم دوم ____ وما بيحاكموا المجرمينِ

 نِسيوا العِبادِه والصوم ____ ونِسيــوا رَبَّ العالـميـن

عَالأهلِ بيِـرجع اللّــوم ____وعالشُّرطه والمسؤوليـن