تواصل معنا عبر الفيسبوك | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
|
بابا نويل
أنشودة للأطفال : زهير دعيم
بابا نويل هَالخِتيارْ
لابسْ أحمر مع قُصفة غارْ
بيجي بليلة ما فيها قْمارْ
وبتمّو عِيديّة
***
رغم البرد والأمطارْ
ما بيتأخرْ بِالمشوارْ
عاقِدْ عَ وَسْطو زُنّارْ
وبإيدو هديّة
***
بقلبو محبّة أنهار
وشذا وعْطور وأزهار
بتحكي عن ربّ الأبرار
بالمغارة السّنية
***
استنوه يا شُطّارْ
قَرَّبْ يُوصَل عَ الدوّارْ
حامِل هدايا وأخبارْ
وأزهار نديّة