X أغلق
X أغلق

تواصل معنا عبر الفيسبوك
حالة الطقس
عبلين 27º - 14º
طبريا 28º - 12º
النقب 30º - 10º
الناصرة 28º - 14º
القدس 27º - 5º
حيفا 27º - 14º
تل ابيب 26º - 12º
بئر السبع 30º - 12º
ايلات 32º - 12º
مواقع صديقة
أدب وشعر
اضف تعقيب
26/01/2022 - 10:33:36 am
زجل    العيد جايِ للتّغيير  بقلم:اسماء طنوس المكر

زجل         العيد جايِ للتّغيير    بقلم:اسماء طنوس المكر

العيـد جـايِ للتّغيير_____ ويِخلع عَنَّك العتيـق

جايِ يعملّك تطهير_____ وِيْنَوِّرلـك الطّـريـق

___________________________

وإذا بْقيت مِثل الأوّل____وقلبك ما صابُه تغيير

يعني قلبَك ما تْحَوّل_____ وللإثمِ بَعـدَك أسيــر

ولَوْ حالك بِقي وطَوَّل____وما عِمِل فيك التّأثير

والتَّوبِــه ما بتِـتقبّـل_____بتبقى في وادٍ سحيق

___________________________

لازم تِنوي عالإيمان_____وتِقبـل بقلبَك يسـوع

وتُترك أعمالَك زمان_____ما تِقبَـلّا بالرّجــوع

تَتِربح مِنّو الغُفـران______وتَيمسحلَك الدّمـوع

وِتقولُّه أنـا غلـطـان_____أنقِذ نفسي مِنِ الضّيق

___________________________

وِالعيدِ مِش مظـاهر_____ تاكُل أو تِلبس جـديد

وقلبَك لِسّا مِش طاهر____عن ربَّك بَعدَك بعيـد

وللغفران ما انتَ قادر____مقَسّي قلبَك كالحديـد

وتَتكون لِابليسِ قاهر_____خَـلِّ ربَّــك الرّفيـق

___________________________

والعيدِ بقلوبٍ صافيه_____ وبالمحبِّه والعـطاء

تَتْصلّي ما هو كافي _____ وقلبَك ما فِيّو نَقـاء

صلاةُ المؤمن شافيه_____ في قلبُه نور وبهاء

بكلماتُه الحلوِه الدّافيه_____بيطفّي أكبر حريق




Copyright © elgzal.com 2011-2022 | All Rights Reserved © جميع الحقوق محفوظة لموقع الغزال
سيجما سبيس بناء مواقع انترنت