تواصل معنا عبر الفيسبوك | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
|
صباح الخير
يا بسمه بدمعه مغطيه
بقلم: بنيامين محمد حيدر
صباح الخير لكل من سيمر على كلامي ويتركه بعد السطر الأول ليكمل سيره في الفيسبوك ولا يدري عن أي شيء يبحث
صباح الخير...
لكل أبناء بلدي الذين كنت اظن ان امي ولدتهم جميعا كلما رأت امي احدهم نادته يا بنيي
صباح الخير
لطيبة بلدنا. ..لحارة الجامع حارة الكنيسه ولمة الخيتياريه لمضافة عمي ابو لطف وعمي ابو فيليب ولمضافة.سيدي علي حيدر والشيخ علي والشيخ مصطفى..لاوراق الشده والحصوات يا سيدي حسن
صباح الخير
لزيتونة عمي ابو نمر شيخ احمد وعريشة عمي ابو ديب ابو غنيمه ومقتاية سيدي مصطفى حسنين ودخانات عمي ابو زيدان الدحى
..للارض اللي جمعتهم وما زالت تكذب باكيه .هيان هون تحت ظلي وفوق ترابي وياكله من خيراتي
صباح الخير
لباب بيتنا العتيق اللي كنا ننام ويتركه مفتوح
صباح الخير
لدكانة ابوي في الحاره الفوقه ولدفتر الدين وحبات الملبس وصيحاتو روحو من هون يا اولاد .....نضحك والدنيا ما تسعنا
صباح الخير
يا حجارة مدرستنا التانويه الغافيه والمنسيه اللي بتحمل احلى ذكرياتي لرسائل الحب الاولى الخجوله اللي كتبتها
..ويا بنات صفي. يا ضحكاتنا البريئه واحلامنا الكبيره معك رغم انك صغيره لكلمات مدير مدرستنا ابو نور أستاذنا ميخائيل سلمان العايشه معنا وفينا العلم نور ولا حياة مع اليأس.وخلي أحلامكم زي الشمس مضويه
صباح الخير
لكل شي فيكي يا بلدنا الطيبه يا صافيه متل السما بالصيف
وكريمة بخيراتك وهمة اولادك
للماضي العايش فينا والحاضر اللي بمحبتنا لبعض ينبني
وللمستقبل الجميل والاحسن يللي بستنانا
سألوني بتحبها
قلتهم
اسمعوا دقات قلبي
طق طق طق بعشقك