موشحات     الضحكه دواءُ القلب     بقلم:أسماء طنوس المكر

    
إبدا يومَك بالضِّحـكه  
بتِنعِشِ القلب 
بترسم عَوِجَّك فَرحه  
بيفِلّ الصَّعب  
____________  
لمّا  بِتطُـلّ البســمِـه 
بتيجي الرِّزقات  
مِثِل هَبّــِةِ النّســمِــه  
بلُطفِ اللّمسات 
ولمّا بِتحِلّ النِّعــمـِه 
معِ الخَيرات 
بِتلاقي نهـارَك فَتَّح 
ما فِيّو التَّـعْب 
____________  
سَبِّح ربَّك العــالي 
رَنِّم ترنيـم 
أُشكُر ربَّك الغالي 
عَظِّم تعظيم 
مَجدُه بالسّما العالي
دايماً رحيم 
هُوِّ ربّ المـحـبِّه 
مانّو للرُّعب  
____________ 

مِنّو أُطلُب الحِكـمِه  
راح يعطيلك 
مِنّـو تَدبيـر وفَـهـمِ 
هُوِّ دليـلَـك  
مِنّو بتنزل الرّحـمِه 
بيشفي غَليلَك 
بغِنِّيِّه وعَزفِ ونَغِمِه  
راح تِملا حُب