احتفال وذكريات ...
عيديّة عمّك أشعار
 زجل : عيد دعيم

زجل  أخي الشّاعر المرحوم عيد دعيم ( 1945- 2006 )   كتبها في   30  من كانون الأوّل عام 2002 بمناسبة  عيد ميلاد  ابنتنا المربية الجميلة  أغنار دعيم  أبو زهيّا  والذي يصادف في مثل هذا اليوم من كلّ سنة .  فكلّ عام غنورتنا الغالية وأنت ترفلين بسربال الفرح والسّعادة .

بعيد ميلادك يا أغنارْ
كلّ أحبابك فَرحاني
ازرعتي البسمه جوا الدّارْ 
 القاصي بشْهدْ  والدّاني 
عيديّة عمّك  أشعارْ 
  ونَغمه حلوي عَ لساني 
وتظلك شعلة أنوارْ
 انشالله للميّة وعشرين 
****

ليه ما اعزمتيني عَ  العيدْ
يا احلى ورود الجوري 
 نوكل كعك ونُلغّ نبيد
كِنّو ابوكي  نُوري ؟!!!
هاي  مزحة مِنْ عمِّك عيدْ
غنورة احلى طيوري 
الفادي يحميكِ ويزيدْ 
بعمرِكْ عَ مدى السنين 
***
يا احلى ورودِ البستانْ 
 والورود الدعيمية ...
 غنورة النغشه يا اخوانْ 
 والله بتساوي مِيّه
مربيكي أبو جُبرانْ 
 وبشْهَد يا ضَيْ عينيِّ 
 خلوقه وحلوه كَمانْ 
 بْتعلّي الراس والجبينْ 
***
 فِتْحَة يا احلى اغنارْ 
يا  احلا حواري الجَنّه 
بدروسِك سيف  البتّارْ 
وهيك تظلّي مِتمنّي
 تظلِّكْ نُوّاره بالدّارْ 
 ورحْ ظلّ بعيدِكْ غَنّي
وشو اطلبتي منْ اشعارْ 
امرِك يا أحلا الحلوينْ 
***

يا ربّي يا ربّي ظلّ 
طيِّبْ ليوم اكلِيكْ 
 ويفرح معنا ورد وفُلّ 
 ونرقصلك ونغنيلِكْ 
 مثل البدر جبينك طَلّ 
 ومضويه قَناديلِكْ 
 رحْ بتظلي أحلا الكُلّ 
واكتبلك احلا تلاحين
*** 
 يا ربّي تحمي أغنارْ  
وتحرسها عيون الفادي
وتظلّ الشّمعه بالدّارْ 
 وطيرِ الحسّون الشادي 
 حتى  لو كنت خِتيارْ 
 بعُرسِك رح أكون الحادي 
 وغنيلك احلا أشعارْ 
 أشعار محبة وحنين