مُوَشّحات  بدنا السّلام  يداوي – بقلم أسماء طنوس المكر

بِدنا السّـلام يرَفـرِف

ما بِدنا حَرب

نَسمِة سلام تْهَفـهِـف

لَمسِتها حُـب

____________

ما بِدنا اصواتِ تْدَوّي

بصاروخ قتّال

بـِدنـا السّـلام يْــداوي

وِيْروقِ الحال

رَبّي وَحـدُه الِمْـداوي 

مْبَدِّل الِاحوال

يْبَدِّل عُنـف وعَـداوِه

بسَـلام الرَّب

____________ 

للرَّبِّ نَدعـو نْصَـلّي

يِـرأَف ليـنـا

يا حَرِب عَـنّا حِـلّي

لا تْزورينـا

روحي عَنّا لا تْخَلّي

جُرحِك فينا

ما مْـنِـقبَـلِـك تْـظَـلّي

يأ وَجْهَ الرُّعب