موشحات   النعمه من روح الله   بقلم – أسماء طنوس المكر  

_________________________________   

روح الله الساكن فينا   -----   بيِحمينا  وبيقوّينا 

ما بيُنرُكنا حَيرانين    -----   نورُه دوم بيِهدينا   

___________________________  

مِن ينبوعه بيِحيينا     -----      وبيجدِّد  آمانينا  

روحه بيعطينا الحياه   -----   هُوِّ النَّبع بيِروينا

___________________________  

بيِعطي الفرَح والسّلام ----- سعادِه حُب وإلهام 

بيِشفي البُغضَ والآلام-----  لَمّا يكون ساكن فينا 

___________________________ 

بيِعطي قلوبِنا الرَّأفِه   -----     ولِنُفوسِنا  العِفّه

وتَواضُع رمزُ الإيمان -----   هُوِّ النِّعمِه بيِكفينا 

____________________________  

دَرب الصَّوابِ بيِهديك ----- دروب الشَّرِّ ما يمَشّيك 

في ضعفَك راح يقوّيك -----  منِ الخَطر  بينجّينا   

---------------------------------------------    

منِ جروحاتَك بيداويك ----- واللّي بقلبَك عَم يِأذيك 

من أوجاعَك  بيِشفيك  ----- عندُه  الدَّوا  يداوينا