أنت الأحلى

شعر:زهير دعيم

    

انتَ بعيوني الأحلى

زهر أيّار

انتَ في حسابي الأغلى

أرفع معيار

انتَ في السّما الأعلى

بإكليل الغار

ربّي يسوع

كحّلت عيوني بحبّك

ونوّرت الدّار

ومحيت ذنوبي بدمك

وغسلت العار

انتَ وحدَك محبوبي

ربّ الأسرار

ربّي يسوع

مجدَك ملاّ دُنيتنا

والعقل حار

والقمر رسم بضيعتنا

لوْز ونوّار

والشمس شهقت وقالت:

إنّك البار

ربي يسوع

مهما قالوا وتغنّوا

عُشّاق النّار

وعبدوا غيرك وتبنّوا

ناموس عشتار

رح تبقى الربّ الفادي

طول المِشوار

ربّي يسوع

ازرع فينا قداسِه

ونفحات آذار

وانشر حبّك في الناسِ

غمار ...غمار

يا ملوّنلّي احساسي

عليك بَغار

ربّي يسوع

 

حترجع لكوكبنا

في شي نهار

وتعمّر معنا سهرتنا

اهل وأغيار

وترمي أمراضنا واوجاعنا

خلف البحار

ربّي يسوع