طفل بيت لحم

جاسر الياس داود

يا ماما

بَمشي بالليل في شوارع بيت لحم

ما في حَدا يواسيني

بَطَّلَّع على البيوت

ما هي مَضْوِيّة

آهات وَرا آهات

بَسمَعْها

وهي بِتنادي وبتنادي

... وأنا ما في مينْ يِحْميني

بَهْرُب شمال يَمين

بَرْكُض بَوَقّف تحت المزراب

تَرَطِّب حرارة جسمي الوَهَّاج

يا ماما أحرْسيني

من هالطاغي الطَمَّاع

بِأَرضي

بِمُستقبل أولادي

بِحْرِق الأخضَر واليابِس

عشان ييَئِّس

هالأبرار

يا ماما لا تُتْركيني

أنا طفل بفَتِّش عن سَعادتو

زي كلّ الأطفال

ما بِلاقي حَدا

يقول

وينْ رايْحين يا صغار

يا ماما أغُمْريني

وبْصَلاتِك أذكُريني

أنا وأطفال بيت لحم والعالم

عَشَانْ نِحمي وطَنّا الغالي

ونصير ببلَدْنا في يوم أحرار

وبتاج الحُريِّة تكَلِّليني (ج.د)

20/12/2012م

عبلين - الأراضي المقدّسة