قصة الولادة هاي المره بتشبه الروايات,قصة عن ثنتين خوات على الولادة عنا متفقات
 

 بتلبش قصتنا لما اجت عنا براءة من وادي سلامة لتولد طفلها الأول خليل الي فرحنا وفرح عائلته كثير وشرف العالم بعد عملية قيصرية ناجحة قام فيها طاقمنا بكل احترافية وحب, لتيجي الخالة شروق تزور بيبي خليل وماما براءة وتطمن عليهم, وهي حامل في أسبوعها الـ 36 +2 والغريب في القصة انها في نفس الليلة بلشت تشعر بآلام الطلق لتيجي لعنا من ديرحنا وتدخل ولادة طبيعية ليشرفنا طفلها الأول وليد, بفرق يومين بس عن ابن خالته خليل, قد ما نحكيلكم ما راح نعرف نوصف فرحة العائلة والأجواء اللطيفة الحميمية الي عشناها مع العائلة والاخوات الي صاروا امهات وخالات مع بعض, يسعدنا انو الثنتين اختاروا مستشفى تسفون "بوريا" لولادة مثالية ومريحة بس الأهم دايما هو أن نوفر لكل امرأه تجربة ولادة آمنة مريحة وسعيدة , عبروا الاخوات عن فرحتهم وسعادتهم الكبيرة, بتحكيلنا براءة وهي عم تضحك " امي تحولت لمراسل صحفي عشان تنقل أخبارنا  من وحدة للثاني" وبتقول شروق عن تجربة ولادتها " بعد ما زرت اختي وشفت خليل تحمس وليد وصار بدو يطلع للدنيا وأبكر من المتوقع, وبهاي الفرصة بدي اشكر القابلة (تانيا) الي ساعدتني وكانت معي طول الولادة"

بنهاية هاي القصة حابين نبارك للعائلة والاخوات براءه وشروق و منتمنى لخليل ووليد عمر طويل وسعيد