مهما عني تغيب تغيب                       سبب غيابك صار مكشوف

خليك بطبعك أديب                       القلب الاعمى صار يشوف

مهما عني تجيب تعيب                   ألناس بتعرف بالمعروف

لو نجم السما بتجيب                     أنواري ما  بتطفيها

                  **         **        **          **

المال خادم جيّد                         لكنه سيّد فاسد

حتى لونو سيّد                            انا الو مش عابد

عن دربو ما بحيّد                      عنو ما  أني متباعد

كيف بدي أعيّد                        وأموري أمشيها

    **                 **             **             **

ألانسان بيندم ع الكلام                      ما بندم على السكوت

خليك عالي المقام                             لما أي ديوان تفوت

لو جرّو سيف الحسام                        أحكي الصدق لو بتموت

لا تمشي درب الحرام                     دروب الحلال امشيها